Ҳисор давлат қўриқхонаси ҳудудидан қорамтир қўнғизларнинг фан учун янги тури кашф қилинди, деб хабар берди ўзбекистонлик ёш энтомолог тадқиқотчи Норбек Бекчанов.

Маълум бўлишича, янги тур қора қўнғизлар (Terebnionidae) оиласига вакилларни ўрганиш вақтида топилган.

Унинг номи Просодес (Uroprosodes) чиграйи деб аталган.

«Турнинг номи дўстим, ҳамкасбим Иван Чиграй шарафига номланди. Иван Чиграй шу гуруҳ бўйича кучли мутахассис», дея янги турнинг номланишига изоҳ берган Бекчанов.

Хабарга кўра, 𝘗𝘳𝘰𝘴𝘰𝘥𝘦𝘴 уруғи мамлакатимизда жуда юқори биохилма–хилликка эга бўлиб, унинг қарийб 86 тури учрайди. Энди эса бу ҳашарот оиласининг мамлакатдаги тури яна биттага кўпайган.