Пойтахтнинг икки тумани — Миробод ва Юнусободда газ етказиб бериш вақтинча тўхтатилади. Бу ҳақда «Ҳудудгаз Пойтахт» ГТФ хабар берди.

Унга кўра, таъмирлаш ишлари туфайли Миробод ва Юнусобод туманларининг қуйидаги ҳудудларига 29 август куни табиий газ етказиб бериш вақтинча тўхтатилади.

Миробод тумани (соат 10:00 дан 18:00 гача)

Аҳоли истеъмолчилари сони: «Тонг юлдузи» МФЙ Фарғона йўли Сайхун кўчаларидаги кўп қаватли уйлардаги 642 та хонадон

Улгуржи истеъмолчилар сони: 2 та

Юнусобод тумани (соат 10:00 дан 17:00 гача)

Аҳоли истеъмолчилари сони: «Тикланиш» МФЙ Гулёр 1-2-3-4-5-тор ва Тикланиш кўчаларидаги 540 та ерли хонадон

Улгуржи истеъмолчилар сони: 13 та

Таъмирлаш ишлари тугатилгандан сўнг, табиий газ таъминоти қайта тикланади. Юзага келаётган ноқулайликлар учун газ таъминоти филиали истеъмолчилардан узр сўради.