«Ўзбекфильм» киноконсерни» ДУК қошида «Турон» каскадёрлик устахонаси ташкил қилинмоқда. Бу ҳақида Кинематография агентлиги хабар берди.

Маълум бўлишича, жамоага ҳар бир йўналиш бўйича ўз ишининг усталари жалб қилинган ва келгусидаги вазифалар учун стратегия ишлаб чиқилмоқда.

«Ишонамизки, «Турон» жамоаси келгусида миллий кинематографиямиз ривожига муносиб хисса қўшиб, жаҳон кинобозоридаги ўрнимизни мустаҳкамлашга кўмакдош бўлади», дейди каскадёрлик жамоаси раҳбари Носир Шокиров.