Кўксарой қароргоҳида бўлиб ўтган Париж Олимпиадасида иштирок этган спортчилар, уларнинг ота-оналари ва мураббийлари иштирокидаги учрашувда Шавкат Мирзиёев спортчиларнинг улкан ғалабалари нафақат ўзбек халқини, балки бутун минтақани руҳлантириб юборганини таъкидлади.

Айниқса, бокс бўйича ўзбек мураббийси Акмал Ҳасанов қирғизистонлик боксчи Мунарбек Сейитбек ўғлига ёрдам бериб, уни мусобақанинг финалигача боришида кўмаклашгани минтақадаги дўстона муносабатнинг ёрқин намунаси сифатида эътироф этилди.

«Аҳил қўшничилик тамойилларига қурилган сиёсатимиз бугун халқларимиз юрагига кўчганини кўриш албатта қувончлидир», дея урғулаган давлат раҳбари.