ЖЧ-2026 3-саралаш босқичида бўлиб ўтадиган Ўзбекистон — КХДР ўйини учун чипталар сотуви бошланди. Бу ҳақида Ўзбекистон Футбол Ассоциацияси матбуот хизмати хабар берди.

Таъкидлаш лозим, Ўзбекистон миллий терма жамоаси 5 сентябрь куни КХДРга қарши ўйин билан 2026 йилги Жаҳон чемпионати 3-саралаш босқичидаги иштирокини бошлайди. Баҳс «Бунёдкор» стадионида бўлиб ўтади.

Хабарга кўра, футбол мухлисларига қулайлик яратиш ва қалбаки чипталар сотувининг олдини олиш мақсадида iTicket.uz мобил иловаси ҳамда «Бунёдкор» стадиони кассаларида чипталар сотуви йўлга қўйилган.

Маълум бўлишича, чипталар баҳоси секторларга қараб фарқ қилади. Бунда нарх 30 минг сўмдан 300 минг сўмгача этиб белгиланган.