Елмуратов Учқун Файзуллаевич Учқудуқ тумани ҳокими вазифасига тайинланди.

Тайинлов Навоий вилояти ҳокимининг 2024 йил 26 августдаги 241-5-0-Қ/24- сонли қарорига асосан амалга оширилган.

Учқун Елмуратов 1986 йилда Конимех туманида таваллуд топган. Маълумоти олий. 2007 йилда Тошкент молия институтини ҳамда 2012 йилда Ўзбекистон Республикаси Президенти ҳузуридаги Давлат ва жамият қурилиши академияси қошидаги олий бизнес мактабини тамомлаган.

У тайинловга қадар «Агробанк» АТБ Навоий вилояти бошқармаси бошлиғи вазифасида фаолият юритиб келаётган эди.