Майк Тайсон Исроил Мадримов ҳақида гапирди, деб хабар берди Оламспорт.

Хабарга кўра, бокс афсонаси Теренс Кроуфорднинг Исроил Мадримов билан жанги ҳақида ўз фикрларини билдириб ўтган.

«Кроуфорднинг сўнгги жангида бўлдим. Мадримов – кучли йигит, Теренс сўнгги иккита раундда камбек қила олганидан хурсандман. Мадримов жуда ноқулай ва кучли эди», дея фикрларни баён қилган у.

У, шунингдек, Мадримов рингда яхши ҳаракат қилгани, Теренс эса бундай ҳаракатларга ўрганмагани, ўзбекистонлик боксчи унга ҳаддан ташқари ноқулай рақиб эканини қўшимча қилган.

Маълумот учун, АҚШнинг Лос-Анжелес шаҳрида бўлиб ўтган профессионал бокс жангида Исроил Мадримов Теренс Кроуфордга мағлуб бўлган эди.