Озарбайжон Республикаси раҳбари​ Бош вазир Абдулла Арипов ҳамроҳлигида «Янги Ўзбекистон» боғига ташриф буюрди.

Олий мартабали меҳмон «Янги Ўзбекистон» боғидаги Мустақиллик монументи пойига гул қўйди.

Мажмуа билан қисқача танишув асносида Озарбайжон Республикаси делегацияси вакилларига мазкур ансамбль мазмуни ва меъморий ечимлари ҳақида маълумот берилди.

«Янги Ўзбекистон» боғи ва Мустақиллик монументи эркинликнинг ўттиз йиллигига бағишлаб бунёд этилган.

Делегация аъзолари мажмуада акс эттирилган алломалар, буюк саркарда ва жаҳонгирлар, жадидларнинг сиймоларига алоҳида эътибор қаратди.