Тошкент метросида қизга тегиниб, шаҳвоний шилқимлик қилган эркак уч суткага қамалди. Бу ҳақда «Дарё» нашри хабар берди.

Маълум бўлишича, 26 июль куни фуқаро «Амир Темур» бекати электропоезди ичида қизнинг белидан паст қисмини ушлаб унга шаҳвоний шилқимлик қилганликда айбланган. Суд мажлисида ҳуқуқбузар ўз айбига иқрорлигини, қизга тегиниб кетгани, бироқ бу каби ҳаракатни қасддан қилмаганини билдириб, суддан унга нисбатан енгиллик беришни сўраган.

Фуқаро Маъмурий жавобгарлик тўғрисидаги кодекснинг 411-моддаси 1-қисмида назарда тутилган ҳуқуқбузарликни содир қилганликда айбдор деб топилган ва унга ушбу моддага асосан уч сутка маъмурий қамоқ жазоси тайинланган.