Шавкат Мирзиёев қисқа муддатли меҳнат таътилидан қайтди.

Жорий ҳафтада Ўзбекистон Республикаси Президенти ҳузурида ижтимоий-иқтисодий кун тартибидаги муҳим масалалар юзасидан йиғилишлар ўтказилиши кўзда тутилган.

Хабарга кўра, ҳафта давомида Шавкат Мирзиёев давлат ташрифи билан Қозоғистон Республикасида бўлиши, Остона шаҳрида Марказий Осиё давлатлари раҳбарларининг навбатдаги Маслаҳат учрашувида ҳамда «Марказий Осиё + Япония» форматидаги саммитда иштирок этиши режалаштирилган.

Ҳафта якунида эса Япония Бош вазири Фумио Кисида расмий ташриф билан юртимизга келиши кутилмоқда.

Олдинроқ Президент қисқа муддатли меҳнат таътилига чиққани хабар қилинган эди.