2024/2025-ўқув йили учун олий ва профессионал таълим муассасаларига ўқишга кириш тест синовлари 14 июлдан бошланади.

Бунда тест синовлари кунига 2 сменада ташкил этилади.

▪️ 1-смена – соат 08:00 да;

▪️ 2-смена – 15:00 да бошланади.

«Абитуриентлардан тест синовлари бошланишидан камида бир ярим соат олдин белгиланган ҳудудга етиб келишлари талаб этилади», – дейилади хабарда.

Хабарга кўра, абитуриентлар онлайн юклаб олган ўзларига тегишли «Абитуриент рухсатномаси»ни қоғоз вариантда тақдим этади.

Улар рухсатномада белгиланган манзилдаги бино, кўрсатилган сана ва смена бўйича тест синовларида иштирок этади.

Абитуриентлар тест синовига паспорт (ИД-карта) ва абитуриент рухсатномаси билан белгиланган вақтдан кечикмаган ҳолда келишлари лозим.

«Паспорт нусхаси ёки бошқа ҳужжатлар билан келган, шунингдек, кечикиб келган абитуриентлар тест синовларига киритилмайди!» – дейилади хабарда.

Олдинроқ абитуриентлар тестга нималарни олиб кириши мумкинлиги, уларга рухсатномалар бериш бошлангани ҳамда имтиҳон жараёнида ҳаяжонлантирадиган ТОП-3 сабаб ҳақида хабар берилган эди.