Пастдарғом тумани ҳокимлигида ўтказилган халқ депутатлари туман Кенгашининг навбатдан ташқари сессиясида Рахманов Шерзод Шухратович номзоди Пастдарғом тумани ҳокими лавозимига тасдиқланди.

Маълум бўлишича, 2023 йилдан буён туманга раҳбарлик қилган Муротқобилов Ваҳобжон Абдуғаниевич ўз аризасига кўра туман ҳокими лавозимидан озод этилган.

Шерзод Рахманов 1991 йилда Самарқанд вилояти Нарпай туманида туғилган. 2012 йилда Самарқанд иқтисодиёт ва сервис институтини тамомлаган.

2017–2020 йилларда Самарқанд вилояти Нарпай тумани ҳокимининг иқтисодиёт ва тадбиркорлик масалалари бўйича биринчи ўринбосари бўлиб ишлаган.

Рахманов янги лавозимгача Нарпай тумани ҳокими лавозимида ишлаб келаётган эди(2020 йилдан бери).

Олдинроқ Нарпай туманига янги ҳоким тайинлангани ҳақида хабар берилган эди.