Кеча, 11 июнь куни Буюк Британиянинг нуфузли рейтинг ташкилоти «Times Higher Education» агентлиги томонидан 2024 йил учун «The Impact Rankings» рейтинги эълон қилинди.

Мазкур рўйхатда университетларнинг Бирлашган Миллатлар Ташкилоти томонидан белгиланган 17 та Барқарор Ривожланиш Мақсадларига (БРМ) қўшган ҳиссаси таҳлил қилинган.

Маълум бўлишича, рейтингга бу йил Ўзбекистоннинг 53 та олий таълим муассасаси киритилган бўлиб, шундан 7 таси ТОП-1000 таликдан жой олган.

Булар қуйидагилар:

✔️ Тошкент давлат ўзбек тили ва адабиёти университети – 301–400-ўрин

✔️ Тошкент давлат юридик университети – 401–600-ўрин

✔️ Ўзбекистон миллий университети – 601–800-ўрин

✔️ «ТИҚХММИ» Миллий тадқиқот университети – 601–800-ўрин

✔️ Самарқанд давлат университети – 801–1000-ўрин

✔️ Тошкент давлат техника университети – 801–1000-ўрин

✔️ Тошкент давлат иқтисодиёт университети – 801–1000-ўрин

53 та ОТМлар ичида энг яхши кўрсатгични қайд этган Тошкент давлат ўзбек тили ва адабиёти университети гендер тенглиги бўйича дунёда 10-ўринни эгаллаган.

Маълумот ўрнида, ушбу рейтингнинг 2021 йилдаги рўйхатига Ўзбекистондан 10 та ОТМ киритилган эди. Шундан сўнг, яъни 2022 йилда 30 та, 2023 йилда эса 47 та ўзбек олий таълим муассасалари рейтингда қайд этилган.

Олдинроқ Ўзбекистондаги 2 та ОТМ дунё олийгоҳлари ТОП-1000 талигига киргани ҳақида хабар берилган эди.