Бугун, 11 июнь куни соат 13:24 да Тошкент шаҳар Сергели туманининг 6а-даҳасида жойлашган автосервислардан бирида ёнғин чиқди.

Автосалон олдида жойлашган ёнғин ҳудудига 4 та ёнғин-қутқарув экипажи соат 13:33 да етиб борган ва соат 13:44 да автосервис қуршаб олинган. Соат 13:51да эса ёнғин ўчирилган.

Ёнғин натижасида автосервиснинг ички қисми ва ички қисмида бўлган 3 та автомобиль ёниб, зарарланган.

Ҳозирда ёнғин сабаби ва моддий зарар миқдори аниқланмоқда.

Ҳодиса оқибатида тан жароҳати олган ва ҳалок бўлганлар тўғрисида маълумот келиб тушмаган.

Олдинроқ «Космонавтлар» метро бекати яқинидаги ерости кабелларида ёнғин чиққани ҳақида хабар берилган эди.