«Moʻminlive» номи билан фаолият юритадиган Абдурасул (Мўмин) Иброҳимов «Янги Ўзбекистон» боғининг сув ҳавзасига пластмасса ўрдак ўйинчоқлари туширилиши бўйича олинган реклама видеоси учун 4 июнь куни Экология бўлимига чақиртирилган.

Маълум бўлишича, ижтимоий тармоқлар орқали тарқалган бу видео кенг жамоатчиликнинг эътиборини тортган.

Шу сабабли «Moʻminlive» жамоаси аъзоси Экология бўлимига чақиртирилган ва бундай номақбул ишларни қилмаслиги юзасидан тегишли тушунтириш берилган.

Олдинроқ «Янги Ўзбекистон» боғида тепадан 10 мингта пластик ўрдакча туширилиши бўйича расмий муносабат билдирилгани ҳақида хабар берилган эди.