Бугун, 18 декабрь куни лотин ёзувига асосланган ўзбек алифбосини такомиллаштириш масалаларига бағишланган анжуман бўлиб ўтди.

Oyina.uz мухбирининг хабар беришича, йиғилишда мутахассис ва олимлар кўплаб таклиф ва эътирозларни эътиборга олиб, Ch қўш ҳарфини C эмас, Ç шаклида ифодалаш юзасидан келишиб олди.

Қайд этиш керак, сентябрь ойида таклиф этилган лойиҳада Ch ҳарфидан ташқари, қуйидаги ўзгаришлар ҳам назарда тутилган:

Sh қўш ҳарфини Ş шаклида, яъни бир ҳарф билан ифодалаш;

Oʻ ҳарфини Õ шаклида, Gʻ ҳарфини Ğ шаклида ёзиш.

Ушбу ҳарфларни компьютернинг стандарт клавиатурасида қайси клавишлар ўрнида акс эттириш ҳам эътиборга олинган.