23 май куни 79-Канн кинофестивали ғолиблари эълон қилинди.

Унга кўра, бош мукофот – «Олтин пальма япроғи» «Fjord» фильмига насиб қилган. Руминиялик режиссёр Кристиан Мунжиунинг  суратга олган мазкур картина психологик ва ижтимоий драма жанридаги фильмдир. 
 

«Fjord» фильми

Маълумот учун, Мунжиунинг ушбу мукофотни иккинчи марта қўлга киритди. У бундан қарийб 20 йил олдин «4 ой, 3 ҳафта ва 2 кун» фильми учун илк бор  «Олтин пальма япроғи»ни қўлга киритган.

Фестивалнинг Гран-при совринига Андрей Звягинсевнинг «Минотавр» фильми лойиқ деб топилган. 

«Минотавр» фильми

Андрей Звягинсев 2021 йилда Германияда сунъий кома ҳолатини бошдан ўтказган ва узоқ вақт даволанган. Кўпчилик уни кинога қайта олмайди деб ўйлаган эди. Аммо "ХХI асрнинг Андрей Тарковскийси" дея таърифланган Звягинсев "Минотавр" фильми орқали яна томошабинларни ҳаяжонга сола олди.

Ҳакамлар ҳайъати соврини «The Dreamed Adventure» драмаси учун Валеска Гризебахга берилган. Шунингдек, энг яхши режиссёрлик мукофоти «Fatherland» фильми учун Павел Павликовскийга ҳамда «La Bola Negra» фильми учун Хавер Калво ва Хавер Амброссига топширилган.

«The Dreamed Adventure» драмаси

«La Bola Negra» фильми

Бундан ташқари, «Энг яхши сценарий» мукофотини «Notre salut» фильми учун Эммануель Марре олган. 

«Notre salut» фильми

«Энг яхши актриса» номинацияси бўйича Виржини Эфира ва Тао Окамото ғолиб дея эътироф этилган(«Soudain» фильми).

Эммануель Маккия ва Валентин Кампан бўлса «Энг яхши актёр» номинациясида ғолибликни қўлга киритган(«Coward» фильми).