Бағдод тумани ҳокими фармойиши билан туман ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Қаҳрамон Муртазоқуловга нисбатан ҳайфсан чораси қўлланилди.

Фармойишга давлат фуқаролик хизматчисининг одоб-ахлоқ қоидалари, туман прокуратурасининг тақдимномаси ва туман ҳокимлигининг одоб-ахлоқ комиссиясининг йиғилиш баёни асос қилинган.

Аввалроқ ҳоким ўринбосари обуна режасини бажармаган коллеж директорини калтаклангани ҳақида хабар берилганди.

Ҳозирда ҳолат юзасидан туман прокуратураси терговга қадар суриштирув ишларини олиб бормоқда.