Ижтимоий тармоқларда Фарғона вилоятининг Учкўприк туманидаги давлат ташкилотларининг раҳбар ходимлари экани айтилаётган бир гуруҳ шахслар иш хонасида қарта ўйнаётгани акс этган фото тарқалган эди.

Суратда кўринган Учкўприк тумани камбағалликни қисқартириш ва бандлик бўлими бошлиғи ўринбосари Дилшодбек Далиев ва туман иқтисодиёт ва молия бўлими бошлиғи Сирожиддин Раҳмоналиев билан тузилган меҳнат шартномаси бекор қилинган.

Ишдан олинган Дилшодбек Далиев ўзининг Facebook саҳифасида ишдан бўшаш ҳақида ариза ёзгани ҳақида пост қолдирган.

“Беайб парвардигор. Тан олиш ҳам марднинг иши. Аллоҳ назаридан қолмасам бўлди. Мен ўзимни оқламоқчи эмасман. Хато қилган бўлсам, қонун олдида жавоб бераман. Мард бўлиб аризамни ёзиб, кеча ишдан кетганман”, — деган Дилшодбек Далиев.

Унинг қўшимча қилишича, расм эски бўлиб, 26 август, шанба, дам олиш куни олинган. Лекин воқеа қаерда содир бўлганига ойдинлик киритилмаган.