Юлдуз Усмонова ўзининг қўшиғини айтиб машҳур бўлган қизлар билан бирга куйлади. Улар бугун пойтахтимизнинг Форумлар саройида Ўзбекистон Миллий паралимпия қўмитаси томонидан 3 декабрь – Халқаро ногиронлар кунига бағишлаб ўтказилган “Биз турлимиз. Биз тенгмиз” тадбири доирасида қўшиқни бирга айтишди. 
 

Эслатиб ўтамиз, Косонсой туманидаги 22-умумтаълим мактабининг 8-синф ўқувчиси Мадина Усубжонова ҳамда 45-махсус мактаб-интернат ўқувчиси Нурзида Исаева хонанданинг “Муҳаббат” таронасини куйлаб, интернетда минглаб мухлислар эътирофига сазовор бўлган эди.