Навоий вилоятининг Зарафшон шаҳрида Маънавият ва маърифат маскани очилди. Очилиш маросимида шаҳар ҳокими – шаҳар Маънавият ва маърифат Кенгаши раиси Назирбек Раҳмонов, ҳоким ўринбосари Обиджон Ҳакимов, Республика Маънавият ва маърифат маркази ходими Толмас Раззоқов ҳамда шаҳар маънавият Кенгаши аъзолари, ёшлар иштирок этди.

Тадбирни шаҳар Маънавият ва маърифат кенгаши раиси ўринбосари Обиджон Ҳакимов очиб берди ва сўзи давомида маънавиятнинг инсон ҳаётида, ҳар бир давлатнинг ижтимоий ривожида қанчалик аҳамиятли эканлиги борасида ўз фикрларини билдириб ўтди.

Тадбирнинг расмий очилишидан сўнг маърифат тарғиботчилар жамияти аъзолари, маънавий-маърифий ишлар бўйича директор ўринбосарлари ҳамда ташриф буюрган меҳмонлар бинода яратилган шароитлар билан танишиб чиқди.