Ўзбекистон Тоғли Қорабоғда жорий йилнинг 9 сентябрда ўтказилган қўштирноқ ичидаги президент сайловларини тан олмайди, дея баёнот бермоқда Ташқи ишлар вазирлиги.
 

“Ўзбекистон Республикаси дўст Озарбайжон Республикасининг суверенитети ва ҳудудий яхлитлигини қатъий қўллаб-қувватлайди, унинг ички ишларига ҳар қандай аралашувни қоралайди ва Қорабоғда ўтказилган қўштирноқ ичидаги президент сайловларини тан олмайди”, — дейилади баёнотда.
 

Маълумот учун, 9 сентябрь куни Тоғли Қорабоғ миллий ассамблеяси (парламенти) Самвел Шаҳраманянни тан олинмаган республиканинг янги президенти этиб сайланган эди. Йиғилишда 22 депутат унинг номзодини ёқлаган бўлса, бир нафари қарши овоз берган.