Veolia Energy Ташкент Чилонзор туманида тармоқ қувурларини ўтказиш ишлари амалга оширилаётганини маълум қилди.

Иситиш мавсумига тайёргарлик доирасида Чилонзор тумани Муқимий кўчаси бўйлаб тармоқ қувурларини ўтказиш ишлари бошлангани маълум қилинди.

Таъмирлаш ишлари давомида 10-сентябрдан 5-октябргача Муқимий кўчаси қисман тўсиб қўйилади. Қувурларни кўчиришдан ташқари (ҳар бирининг диаметри 700 миллиметр ва умумий узунлиги 1 километр) зулфинлар ва баъзи ускуналар ҳам алмаштирилади.

Иш истеъмолчиларга иссиқ сув таъминотини чекламасдан амалга оширилади. Шу билан бирга, 11—15-сентябр кунлари “Тошкент ИЭМ” (“ИЭС” АЖ филиали) режалаштирилган таъмирлаш ишлари доирасида Veolia Energy Ташкент компаниясига иссиқ сув беришни тўхтатган.

“Шундай қилиб, 11—15-сентябр кунлари Муқимий кўчасида иссиқ сувнинг йўқлиги Тошкент ИЭМнинг режали тўхташи билан боғлиқ бўлади”, — дейилади хабарда.