Республика Маънавият ва маърифат маркази Давлат хавфсизлик хизмати Чегара қўшинлари билан ҳамкорликда чегараолди маҳаллаларда яшовчи ёшларнинг турли ёт ғоялар гирдобига тушиб қолишини олдини олиш, уларни ватанга муҳаббат, миллий ва умуминсоний қадрият ҳамда анъаналарга ҳурмат руҳида тарбия топишига кўмаклашиш мақсадида “Ватан остонаси” шиори остида фестиваль ўтказиб келмоқда.

Мазкур фестиваль “Маърифат” тарғиботчилар жамияти аъзолари, театр актёрлари, шоир ва ёзувчилар, олимлар ва санъаткорлардан иборат ижодий гуруҳ иштирокида кўтаринки руҳда ўтказилиши мақсад қилинган.

Бугун, 7 сентябр куни ижодий гуруҳ Нукус халқаро аэропортида кутиб олинди.

Фестиваль бошланиши олдидан меҳмонлар ҳарбий хизмат чоғида ватан тинчлиги йўлида жон фидо этган ДХХ Чегара қўшинлари ҳарбий хизматчилари хотирасини ёд этишди. Сўнгра ижодий гуруҳ Қорақалпоғистон Республикасининг олис Қўнғирот тумани томон йўл олишди.