Ўзбекистон Республикаси Давлат мустақиллигининг 32 йиллиги муносабати билан Нукус шаҳридаги Ёш томошабинлар театрида «Янги ҳаёт учун, Янги Ўзбекистон учун» шиори остида «Маънавият фестивали» доирасида «Янги Мўйноқ» китоб-альбоми тақдимоти бўлиб ўтди.

Тадбирда Ўзбекистон Республикаси Президенти маслаҳатчиси Турсунхон Худойберганов, Қорақалпоғистон Республикаси Вазирлар кенгаши раиси Фарход Эрматов, Тарих фанлари доктори, профессор Абдухалил Маврулов, Республика Маънавият ва маърифат маркази раҳбари  Минҳожиддин Ҳожиматов, Ўзбекистон Республикаси Олий Мажлиси Сенатининг Оролбўйи минтақасини ривожлантириш масалалари ва экологик қўмитаси раиси ўринбосари Ботир Матмуратов, Ўзбекистон ва Қорақалпоғистон халқ шоири  Кенесбой Каримов,  Қорақалпоғистон халқ шоири, Олий Мажлис сенати аъзоси Гулистон Аннақиличева, Ўзбекистонда хизмат кўрсатган маданият ходими, шоира Зулфия Мўминовалар иштирок этди.

Тадбирда сўзга чиққанлар «Янги Мўйноқ» китоб-альбоми мисолида Янги Ўзбекистон ва Учинчи Ренессанс пойдеворини барпо этиш борасида амалга оширилаётган туб ўзгариш ва ислоҳотларнинг мақсади, мазмун-моҳияти ҳамда устувор йўналишлари, мамлакатимизнинг замонавий ижтимоий қиёфаси қандай яратилаётгани, давлатимизни янги ривожланиш босқичига кўтариш учун белгилаб олинган стратегик йўли, миллий тараққиётимиз истиқболлари ҳақида атрофлича мулоҳазалар юритди.

Маълумот учун, бу китоб давлатимиз раҳбарининг ташаббуси билан «Маънавият» нашриётида чоп этилди. Тузувчи-муаллифлари М.Ҳожиматов, М.Улуғова ҳамда М.Бўронов ҳисобланади. Китоб-альбом тўрт боб ва йигирма бўлимдан иборат.

Айнан бугун Қорақалпоғистон Республикаси Нукус тумани Маънавият ва маърифат масканида ҳам «Маънавият фестивали» доирасида «Янги ҳаёт учун, Янги Ўзбекистон учун» шиори остида маданий-маърифий тадбир ўтказилди.

Тадбирда «Маърифат» тарғиботчилар жамияти аъзолари Фалсафа фанлари доктори, профессор Жамила Шермуҳаммедова ҳамда Ўзбекистонда хизмат кўрсатган артист Турғун Бекназаров иштирок этди. 

Байрамона руҳда ўтган бу тадбир иштирокчиларига аъло кайфият улашилди.
 

Oyina.uz'ни Телеграмда кузатинг!