Жорий йил 14 август куни Олий таълим, фан ва инновациялар вазири Иброҳим Абдураҳмонов Тошкент шаҳрида жойлашган олий таълим муассасалари ректорлари ва проректорлари билан учрашиб, талабалар турар жойлари масаласини муҳокама қилди. Бу ҳақда вазирлик ахборот хизмати хабар берди. 

“Йиғилишда тайёрланган ётоқхоналар ёнғин хавфсизлиги, қишга тайёргарлик даражаси, лифтлари (мавжуд бўлса) созлиги ва сертификацияланганлигига алоҳида урғу берилиши лозимлиги белгиланди. Университет ҳудудларида талабаларни ётоқхоналар ва ижара уйларига жойлаштириш марказларини йўлга қўйишга, уларда лидер талабалар ҳамда тюторларнинг фаолиятини ташкил қилишга келишиб олинди”, дейилади хабарда.