Хитойнинг дунёга машҳур йирик электрон-онлайн савдо гиганти ҳисобланган “Alibaba” корпорацияси делегацияси айни пайтда мамлакатимизда бўлиб турибди, дея хабар бермоқда ЎзА.

Наманган вилояти ҳокими Шавкат Абдураззоқов корпорация вице-президенти Крис Чжоу бошчилигидаги йирик инвесторларни қабул қилган.

Крис Чжоу текстиль, саноат, ахборот технологиялари, қишлоқ хўжалиги маҳсулотлари экспортини йўлга қўйиш учун Наманган минтақавий марказ бўлишига ишонч билдирди.

Учрашувдан сўнг вилоят раҳбари меҳмонларни минтақавий марказ учун тавсия этилган “IT-Park“ Наманган филиалидаги бино-иншоотлар билан таништирган.