Андижон вилояти Олтинкўл туманидан ўтган Катта Фарғона каналига чўмилиш учун тушган йигит оқиб кетиб, вафот этди. Воқеа 5-август куни юз берган. Терговга қадар текширув ҳаракатлари давомида сувда чўккан йигит Андижон туманида яшаган 20 ёшли Ҳ.Ғ. экани аниқланган.

Текширув ҳаракатлари давомида ҳолатга алоқадор бўлган барча шахслардан батафсил тушунтириш хатлари олиниб, ҳодиса жойини кўздан кечириш давомида марҳум йигитнинг кийимлари ва буюмлари тегишли тартибда расмийлаштириб олинган.      

Ҳолат юзасидан тўпланган ҳужжатлар, терговга қадар текширув ҳаракатларини олиб бориш учун 7-август куни Олтинкўл туман прокуратурасига юборилган.