Мирзаев Шуҳрат Шаҳобутдинович —  Халқ депутатлари Бекобод тумани Кенгашининг қарори билан туман ҳокими вазифасини бажарувчи этиб тайинланди. Бу ҳақида вилоят ҳокимлиги ахборот хизмати хабар берди.

Ш. Мирзаев  1982-йилда  Тошкент шаҳрида туғилган. Маълумоти – олий. 2004-йил Тошкент молия институти ҳамда 2007-йил Г.В.Плеханов номидаги Россия иқтисодиёт академиясининг Тошкент шаҳридаги филиали, 2009-йил  Ўзбекистон Республикаси Президенти ҳузуридаги Давлат ва жамият қурилиши академияларини тамомлаган.

Лавозимга тайинлангунга қадар, “Қишлоқ қурилиш банк” акциядорлик тижорат банки Бухгалтерия ҳисоби ва ҳисоботи департаменти бошлиғининг ўринбосари  вазифасида ишлаб келаётган эди.