Ўзбекистон Республикаси Президентининг 2021 йил 26 мартдаги “Маънавий-маърифий ишлар тизимини тубдан такомиллаштириш чора-тадбирлари тўғрисида”ги ПҚ-5040-сон қарори ижросини таъминлаш мақсадида 4 август куни Жиззах вилоятининг Пахтакор туманида Маънавият ва маърифат маскани очилиш тадбири бўлиб ўтди.

Тадбирда сўз олган Вилоят ҳокими ўринбосари А.Савурбаев, туман ҳокими А.Ашуров, вилоят Маънавият ва маърифат маркази раҳбари И.Умаровалар фойдаланишга топширилган ушбу янги зиё маскани униб-ўсиб келаётган ёш авлодни ватанпарварлик рухида тарбиялаш, уларда миллий ғурур, ифтихор туйғуларини шакллантириш, тумандаги ижтимоий маънавий муҳитни янада соғломлаштиришда муносиб хизмат қилишни таъкидлаб ўтдилар.

Шундан сўнг, туман ҳокими А.Ашуров томонидан  Маънавият ва Маърифат масканининг рамзий калити Маънавият ва маърифат маркази туман бўлинмаси раҳбари И.Ҳолиқовга тантанали тарзда топширилди.

“Oyina.uz”ни Телеграмда кузатинг!