Шерзод Кудбиев Ўзбекистон Республикаси Вазирлар Маҳкамаси ҳузуридаги Солиқ қўмитаси раиси лавозимига тайинланди.

Шу муносабат билан у Ўзбекистон Республикаси иқтисодиёт ва молия вазири лавозимидан озод этилди.

Президентнинг фармони билан Жамшид Қўчқоров Бош вазирининг ўринбосари — Ўзбекистон Республикаси иқтисодиёт ва молия вазири лавозимига тасдиқланди.

Бундан илгарироқ Қўчқоровнинг номзоди Олий Мажлис Қонунчилик палатаси депутатлари томонидан маъқулланган эди.

Солиқ қўмитасининг Иқтисодиёт ва молия вазирлиги таркибидан чиқарилиб, Вазирлар Маҳкамаси тузилмасига ўтказилгани айтилмоқда.