Бразилияда дунёдаги энг кекса одам 127 ёшида вафот этди. Бу ҳақда Daily Mail хабар бермоқда.

Хабарда айтилишича, Хосе Паулино Гомес 1895 йил 4 августда (маҳаллий муниципалитетнинг рўйхатга олиш идораси маълумотларига кўра) туғилган. У умрининг сўнгги ойларида тўшакка михланиб қолган ва 28 июль куни 128 ёшга тўлишига бир неча кун қолганида вафот этган.

У бутун умри давомида чорвачилик билан шуғулланган ва тўрт йил олдин от минишни тўхтатган. Унинг етти нафар фарзанди, 25 нафар невараси, 42 нафар чевараси ва 11 нафар эвараси бор.

“У жуда оддий, камтар эди. Унинг ўзига хослиги, табиий нарсаларни севишида эди. Ҳамма овқати шу ерда етиштирилган, чорвани ўзи боққан”, — дейди Гомеснинг набираси Элиан Феррейра журналистларга.