Тўлов карталари фойдаланувчиларига янада кўпроқ қулайлик яратиш мақсадида барча тижорат банкларининг банкоматлари иккала тўлов тизимининг ҳам карталарини қабул қилишлари учун бирлаштирилди. Бу ҳақда UzCard хабар берди.
 

“Энди Ўзбекистон ҳудудидаги барча банкоматлар ушбу имкониятни қўллаб-қувватлайди ва сиз “мос” банкомат излаб вақт йўқотмайсиз. Ҳар бир банкомат UzCard ва Humo карталаридан транзакцияларни амалга ошириш ва нақд пул ечиб олиш имконини беради”, дейилади хабарда.
 

Эслатиб ўтамиз, Humo ва UzCard тизимлари интеграцияси 2021 йилда бошланганди. Жараён чўзилишига сабаб қилиб UzCard билан музокаралар узоқ вақт олгани айтилган.