Тошкентнинг айрим ҳудудларида 31 июль куни электр энергияси таъминоти вақтинча тўхтатилади.

“Ҳудудий электр тармоқлари” АЖ Тошкент шаҳар филиали ахборот хизматининг хабар беришича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш, куз-қиш мавсумига пухта тайёргарлик кўриш мақсадида эртага, 31 июль куни қуйидаги манзилларда электр таъминоти вақтинча ўчирилади:

Сергели тумани: “Эски Жалоир” МФЙнинг айрим кўчаларида соат 10:00 дан 16:00 гача;
Янгиҳаёт тумани: “Машъал” (Ибрат) МФЙнинг айрим кўчаларида соат 10:00 дан 16:00 гача.

Юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлиги қайд этилган.