Бугун, 27 июл куни ОФКнинг Куала-Лумпурдаги бош қароргоҳида 2026 йилги жаҳон чемпионати ва 2027 йилги Осиё кубоги турнири қўшма саралаш босқичига қуръа ташлаш маросими бўлиб ўтди.

Унга кўра, Ўзбекистон миллий жамоаси 2-босқичда Е гуруҳида Эрон, Туркманистон ва Гонгконг/Бутан жуфтлиги ғолиби билан баҳс олиб борадиган бўлди.

Терма жамоамиз дастлабки ўйинини 16 ноябр куни Туркманистонга қарши сафарда ўтказади. 21 ноябр куни бўладиган иккинчи турда Эрон Ўзбекистонга келади.

Ҳар бир гуруҳдан 1-2-ўринларни эгаллаган жамоалар 3-саралаш босқичига йўл олади.