Ўзбекистонга Польша ҳукуматининг жами қиймати 17,5 миллион злотий (4,5 миллион доллар) бўлган инвонпарварлик ёрдами етиб келди.

«Дунё» АА берган хабарга кўра, инсонпарварлик юки Швецариянинг «Bellavista» компаниясида ишлаб чиқарилган 4 та модификациядаги болалар ва катталар учун сунъий нафас бериш мосламаларидан иборат.

Қайд этилишича, мазкур тиббий ускуналар Қорақалпоғистон Республикаси ва Хоразм вилояти эҳтиёжлари учун йўналтирилган.

«20 июл куни Ўзбекистонга учта юк машинаси орқали юборилган тиббий мосламаларнинг умумий сони 449 дона бўлиб 17,5 миллион злотий (4,5 миллион доллар) қийматида баҳоланади», дейилади хабарда.