Лондон шаҳрида ўтказилаётган UFC Fight Night турнири доирасида ўзбекистонлик спортчи Маҳмуд Муродов америкалик Браян Барберанани мағлуб этиб, 71 минг АҚШ доллари ишлаб олди.

Ўзбекистонлик яккакурашчи кафолатланган гонорар сифатида 33 минг доллар олган. Яна 33 минг доллар ғалаба учун, 5 минг доллар эса ҳомийлар томонидан берилган.

Муродов мағлубиятга учратган жангчи Браян Барберана эса 222 минг доллар олган. Америкалик жангчи 9 йилдан буён UFCʼда фаолият юритаётганлиги сабабли мағлубиятга учраган бўлса ҳам, рақибидан кўпроқ фойда кўрган.

Аввалроқ UFCʼдаги бошқа бир ўзбекистонлик спортчи Нурсултон Рўзибоевнинг дебют жангидан қанча гонорар олгани ҳақида хабар берилганди.