Ўзбекистон Республикаси Президенти Шавкат Мирзиёев Италия Республикаси Президенти Сержо Маттарелланинг таклифига биноан расмий ташриф билан ушбу мамлакатга жўнаб кетди. Бу ҳақда давлат раҳбари матбуот хизмати хабар берди.

Ташриф дастурига мувофиқ, Рим ва Милан шаҳарларида олий даражадаги музокаралар, икки томонлама учрашувлар ҳамда Италиянинг етакчи компаниялари раҳбарлари билан мулоқот ўтказилиши режалаштирилган.

Аввалроқ Шавкат Мирзиёевнинг 7–9 июнь кунлари расмий ташриф билан ушбу мамлакатда бўлиши, олий даражадаги учрашувлар Рим шаҳрида бўлиб ўтиши ҳақида хабар берилганди.