Ўзбекистонда давлат ташрифи билан бўлиб турган Сингапур президенти Ҳалима Ёқуб пайшанба куни Самарқандга борди.

Самарқанд вилояти ҳокимлиги матбуот хизматининг хабар беришича, олий мартабали меҳмон Afrisoyob тезюрар поездида қадимий шаҳарга етиб келди. Унга Ўзбекистон бош вазири ўринбосари Зулайҳо Маҳкамова ҳамроҳлик қилмоқда.

Вокзалда Сингапур президентини вилоят ҳокими Эркинжон Турдимов кутиб олди.

Эслатиб ўтамиз, Сингапур президенти Uzbekistan Airways миллий авиакомпаниясининг мунтазам рейси билан Остонадан Тошкентга учиб келганди.