Исломиддин Норимов вилояти ҳокими ўринбосари – инвестициялар ва ташқи савдо бошқармаси бошлиғи лавозимига тайинланди.

Вилоят ҳокимлиги хабарига кўра, Норимов Исломиддин Номоз ўғли 1991 йилда Самарқанд вилоятида туғилган. Маълумоти олий, 2015 йилда Самарқанд иқтисодиёт ва сервис институтининг бакалавр босқичини, 2021 йилда Жанубий Кореянинг Сеул университети магистратура бўлимини тамомлаган.

У лавозимга тайинлангунга қадар Инвестициялар ва ташқи савдо вазирлиги Ахборот-таҳлил бош бошқармаси ахборот таъминоти бошқармаси бошлиғи ўринбосари лавозимида фаолият юритган.