Ўзбекистон Президенти Шавкат Мирзиёев июнь ойида Италияга ташриф буюришни режалаштирмоқда, деди Италия мудофаа вазири Гуидо Крозетто.

Ўзбекистон Президенти Шавкат Мирзиёев ёзда Италияга ташриф буюради. Бу ҳақда Италиянинг Виста агентлигига 26 апрель куни Тошкентга ташриф буюрган Италия мудофаа вазири Гуидо Крозетто маълум қилган.

Унинг сўзларига кўра, Шавкат Мирзиёевнинг Италия президенти Сержо Маттарелла, бош вазир Жорж Мелони ва ташқи ишлар вазири Антонио Тажани билан музокаралари режалаштирилган.

Гуидо Крозетто Ўзбекистон президентининг Римга ташрифи мамлакатлар ўртасидаги узоқ муддатли ҳамкорликнинг янги босқичини бошлашини таъкидлади.

Ўзбекистонга ташриф доирасида Италия мудофаа вазири мудофаа вазири Баҳодир Қурбонов ва мамлакат президенти билан учрашди.