Ижтимоий тармоқларда Фарғона вилояти Данғара туманида ёш ўспирин "1Xbet" қурбони бўлиб, 16 млн. сўм учун ўз жонига қасд қилганлиги ҳақида хабар тарқалди. Бош прокуратура хабарларга ойдинлик киритди.

Аниқланишича, 15 ноябрь куни Данғара тумани, Пишкарон М.Ф.Й, Сойсоҳили кўчасида яшаган 28 ёши бола ўзини-ўзи осиб, ўз жонига қасд қилган.

Марҳумнинг ўлим сабабини аниқлаш учун судга оид тиббий экспертиза тайинланган.

Мазкур ҳолат юзасидан туман прокуратураси томонидан терговга қадар текширув ҳаракатлари ўтказилмоқда.

Аввалроқ, 57 млн сўмни қиморда ютқазиб қўйган ФарДУ ўқитувчиси ўз жонига қасд қилгани ҳақида хабар берган эдик.