Пастдарғом тумани ҳокимлигида ўтказилаётган халқ депутатлари туман Кенгашининг навбатдан ташқари сессиясида ташкилий масала кўрилди.

Сессияда депутатлар томонидан Ваҳобжон Муродқобилов номзоди Пастдарғом тумани ҳокими лавозимига тасдиқланди.

Муродқобилов 1974 йилда Самарқанд вилояти, Пастдарғом туманида туғилган. Мазкур тайинловга қадар Ўзбекистон Республикаси Олий Мажлиси Қонунчилик палатаси депутати вазифасида фаолият олиб борган. Ўзбекистон Республикаси Қурилиш вазирлигида бошқарма бошлиғи, Қурилиш вазирлиги ҳузуридаги «Шаҳарсозлик ҳужжатлари экспертизаси» ДУК бош директори вазифаларида ишлаган.

Аввалроқ Самарқанд вилояти ҳокимига янги ўринбосарлар тайинлангани ҳақида хабар берилганди. Улардан бири Шунқор Худойбердиев Пастдарғом ҳокими эди.