Республика Маънавият ва маърифат маркази томонидан Мудофаа вазирлиги Марказий ҳарбий клиник госпиталида «Янгиланаётган Конституция – Янги Ўзбекистонни барпо этишнинг ҳуқуқий пойдевори» мавзусида тарғибот тадбири ўтказилди. Унда ҳамкор ташкилот масъуллари, олимлар, санъаткорлар, ёзувчи ва шоирлар, «Маърифат» тарғиботчилар жамияти аъзолари ҳамда муассаса ходимлари иштирок этди.

Тарғибот тадбирида Конституциянинг янги таҳрирдаги лойиҳасида инсон қадри, унинг манфаатлари ва умуман халқ учун кенг кўламдаги ўзгаришлар ўз аксини топаётгани, лойиҳани ишлаб чиқишда кенг жамоатчилик, сиёсий партиялар, жамоат ташкилотлари, экспертлик ва илмий доиралар вакиллари, зиёлилар фаол иштирок этганлиги билан ҳам ўз қадр-қимматига эгалигига тўхталиб ўтилди.