Бугун, 13 март куни Қонунчилик палатаси қарорининг Ўзбекистон Конституциясига мувофиқлигини аниқлаш бўйича Конституциявий суднинг мажлиси бўлиб ўтмоқда.

Унда Конституциявий қонун лойиҳасини референдумга қўйишга монелик қилувчи ҳолатлар аниқланмаган.

Конституциявий суд раиси Мирзо Улуғбек Абдусаломовнинг айтишича, Конституциянинг янги таҳрирдаги лойиҳаси амалдаги Конституция, бошқа ҳамма қонунлар ва Ўзбекистоннинг халқаро ҳужжатларига тўлиқ мос келади.

Қайд этиш керак, 10 март куни депутатлар томонидан «Ўзбекистон Республикаси Конституцияси тўғрисида»ги Ўзбекистон Республикаси Конституциявий қонуни лойиҳаси қабул қилинганди. Шунингдек, умумхалқ референдумини ўтказиш санасини 2023 йил 30 апрель қилиб белгиланганди.