Бош вазир Абдулла Арипов бошчилигидаги Ўзбекистон ҳукумати делегацияси расмий ташриф билан Германияда бўлиб турибди.

Ўзбекистон делегацияси 1 март, чоршанба куни Берлин шаҳрида бўлиб ўтган икки давлат Савдо-саноат палаталари иштирокида ташкил этилган Ўзбекистон-Германия бизнес-форумида иштирок этди.

Тадбирда икки мамлакат вазирликлари, идоралари, тармоқ бирлашмалари, Савдо-саноат палаталари, холдинг компаниялари раҳбарлари ҳамда 400 дан ортиқ ишбилармон доира вакиллари иштирок этди.

2 март, пайшанба куни Гамбургда «Ўзбекистон иқтисодиёти куни» бўлиб ўтади ва унда Ўзбекистон Савдо-саноат палатаси раиси Даврон Ваҳобов тақдимот қилади.