Ўзбекистон Республикаси Вазирлар Маҳкамаси ижро этувчи тузилмаси таркибида бир қатор тайинловлар амалга оширилди. 
 

Унга кўра, Вазирлар Маҳкамасининг қарори билан Абдурашид Джурабаев бош вазир котибияти раҳбари лавозимига тайинланди. Бунгача у Президент маслаҳатчиси ўринбосари эди.

Шунингдек, Вазирлар Маҳкамасининг қарори билан Нусратбек Давранкулович Тойчиев Ўзбекистон Республикаси Бош вазири котибияти раҳбарининг биринчи ўринбосари этиб тайинланди. Шу муносабат билан Вазирлар Маҳкамаси аппарати бошқарувчисининг ҳуқуқий экспертиза масалалари бўйича ўринбосари лавозимидан озод қилинди.

Даврон Наримович Каландаров Ўзбекистон Республикаси Бош вазири котибияти раҳбарининг ўринбосари этиб тайинланди. Шу муносабат билан Вазирлар Маҳкамаси Юридик таъминлаш бошқармасининг бошлиғи лавозимидан озод қилинди.

Шухрат Мухамаджанович Садиков Ўзбекистон Республикаси Бош вазири котибияти раҳбарининг ўринбосари этиб тайинланди.