Сурхондарё вилоятининг тўрт туманига янги ҳоким тайинланди.

Шуҳрат Назаров Термиз тумани ҳокими лавозимига тайинланди. Тайинловга қадар у Чирчиқ шаҳар Давлат солиқ инспекцияси бошлиғи лавозимида фаолият юритган;

Қосим Мардонов Ангор тумани ҳокими лавозимига тайинланди. Бунгача у Вазирлар Маҳкамаси Ҳудудларни комплекс ривожлантириш, коммуникациялар, қурилиш ва уй-жой коммунал хўжалиги масалалари котибиятининг Қашқадарё ва Фарғона вилоятлари бўйича бош мутахассиси лавозимида ишлаб келаётган эди;

Элмурод Авазов Жарқўрғон тумани ҳокими лавозимига тайинланди. Бунга қадар у Иқтисодий тараққиёт ва камбағалликни қисқартириш вазирлигида фаолият юритган.

Абдурашид Исмоилов Музработ тумани ҳокими лавозимига тайинланди. Тайинловга қадар у Музработ тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари лавозимида фаолият юритган.