23 январь куни бош вазир Абдулла Арипов раҳбарлигидаги йиғилишида Гидрометеорология хизмати томонидан 23–27 январь кунлари республиканинг аксарият ҳудудларига нисбатан совуқ ҳаво массаси кириб келиши ва ҳаво ҳарорати жойларда кечаси -5...-18 даража совиши прогноз қилинаётгани айтилган.

Йиғилишда ўтган 15 кун давомида амалга оширилган тадбирларни янада кучайтирган ҳолда штаблар фаолиятини давом эттириш топширилган.

Бундан олдинроқ «Ўзгидромет» иш ҳафтаси охиригача совуқ ҳаво массаси таъсири сақланиб туриши, республика бўйича ёғингарчилик кутилмаслиги, фақат 25 январь куни республиканинг тоғ олди ва тоғли ҳудудларида баъзи жойларда бироз қор ёғиши ҳақида хабар берганди.