Бухоро шаҳрида Ўзбекистон-Туркманистон давлат чегарасини делимитация ва демаркация қилиш масалалари бўйича ишчи гуруҳларнинг йиғилиши ўтказилди.

ТИВ маълумотларига кўра, 16—21 январь кунлари томонлар Ўзбекистон ва Туркманистон ўртасидаги давлат чегарасини делимитация ва демаркация қилиш масалалари бўйича ҳукуматлараро комиссиянинг қўшма мажлисига тайёргарлик кўриш масалаларини кўриб чиққан.

Жумладан, давлат чегарасини демаркация қилиш бўйича норматив-ҳуқуқий ва техник ҳужжатлар лойиҳалари кўриб чиқилди ва келишиб олинди.

Йиғилишда, шунингдек, ишчи гуруҳларнинг 2023 йилга мўлжалланган йиғилишлари тақвими келишилди. Музокаралар якунида протокол имзоланди.